ПОЧИТУВАНИ,
СО ЗАДОВОЛСТВО ВИ ГО ПРЕТСТАВУВАМ ХОУП И ПРВИОТ ПРОЕКТ НА ХОУП.
ХОУП Е ЗДРУЖЕНИЕ ЗА ПОМОШ И ПОДДРШКА НА ЛИЦА СО АФАЗИЈА
Пред 4 години претрпев мозочен удар. Но животот е чудо и кога си упорен, кога работиш, и не се предаваш, ништо не е невозможно.
Со помош на лекарска грижа, поддршка од моите блиски и моите соработници и пред се’ мојата упорност, верба, неоткажување и постојани вежби – секој ден и момент, за кратко време продолжив со мојот активен социјален живот и работа.
ХОУП го смислив и креирав – од идеја до реализација, да си помогнам себеси, но и на сите кои се соочуваат со афазијата. Примарниот фокус на ХОУП е остварување, заштита и унапредување на правата, потребите и интересите на лицата со афазија и лицата кои водат грижа за нив.
ХОУП соработува со стручен тим – логопеди, физиотерапевти, психолози, како и правна помош и поддршка.
